اسهل طرق التسجيل علي الهجرة الكندية ؟

خطوات الهجرة باختصار لكندا ( هتكلم عن نوع واحد بس وهي هجرة العمالة الماهرة ليها اسم مختصر express )  فيه انواع تانية زي الهجرة الدرساية
علشان تبدأ تفكر في الهجره انت محتاج 3 حاجات اساسية

1- لغة كويسة انجليزي ودي لو انت ضعيف فيها ممكن تظبها ( لازم تمتحن امتحان اسمة ايلتس و تجيب فيها على الأقل 7 من 10  في كل الفروع (كتابة-قراءة-استماع - تحدث ) الأمتحان ب 2000 جنية ولو نزلت عن كده مينفعش تقدم على الهجرة .
2- وظيفتك مطلوبة عندهم ..كل وظيفة ليها كود اسمه ( NOC ) الكود ده مهم جدا علشان لما تقدم على اي حاجة لازم تدخل الكود دة ( ممكن تشوف وظيفتك مطلوبة اد ايه هناك و تجيب كود الوظيفة من موقع الهجرة الكندية ( هحاول انزل اللينك في الكومنتات )
3 - مبلغ مادي في الاول لغاية ( 30 الف ) ولما الفيزا تيجي هتحتاج تكملهم 100 مثلا

** ملحوظه هامة انت ممكن تمشي في الحوار ده لوحدك من غير اي مكتب هجرة لانه من الأخر هيضحك عليك ب 7 الاف دولار ومش هيعملك اي حاجو زياده
دي كده الحاجات الأساسية المطلوبة .. الخطوات اللي بعد كده هنزلها بالتفصيل ان شاء الله ( جزء 1 ) .. ( يتبع )